سالفتي في إندونيسيا

السلام عليكم ورحمة الله وبركاته

كيف حالكم عساكم بخير ؟

انا هذا أول موضوع لي قلت أفيـد الشباب باللي أقدر عليه ان شاء الله

وراح أفصله أول شيء مواقف الرحلـه ثم الصور طبعـاً ترى ماصورت الا من الجبل وفندق في جاكرتا

المهم :

انا خططت أروح لأندونسيا ورحت وكانت الرحلــه

من تاريخ 4/11/1431هـ إلى 25/11/1431هـ .

عدد الاشخاص انا لحالي

تكلفـة الرحلة 13000 بدون التذكره وقيمة التذكره كانت 3050

أول يومين قضيتهم بجاكرتا في فندق الاتريوم سابقاً لوميير الان قيمة الغرفه كانت 710 آلاف روبيه من مكتب كاها

اللي

بمطعم الجزيره ولكن بعد عودتي من الجبل انصدمت عندما استأجرت من مكتب كاها اللي بأميره ب 640 ألف روبيه

ورحت للجبل وسكنت أول يوم بكوتا بونقا فله مفصوله غرفتين فوق ب 550 الف صراحـه حلوه مره مره بس أنا ذبحتني

الوحده فيها وانحشت اول ما أصبحت , وإستاجرت بشيكرو ب 450 الف غرفتين حلوه وقريبه من الخدمات وأقرب

شي لها مطعم كامننا ,

بداء مشوار السياحه في سفاري وانصدمت اول ماقال لي الدخول ب 200 الف انا وسواقي <<احسة ملعوب علي .

ثم رحت لحديقـة الزهور مع الاسف نسيت كم دفعت للدخول بس الظاهر 40 الف وكذا , ثم البرشوت ثم باندوق

والبراكيــن ثم الشلالات , فكــان الجبل هو المكان الوحيد اللي ارتحت فيه نفسيـاً ولا لقيت استغفال فيه ,

سالفتي الاولى مع جاكرتا

ثم رجعت لجاكرتا وبدأت المعاناة والمضاربات مع التكاسي , سكنت اول مارجعت في أكاسيا فندق حليو قريب من

الخدمات وكان السكن ب 450 غرفه , بعد الجيه من الجبل قلت انام طال عمركم ولا صحيت الا المغرب وقمت

وشغلت التلفزيون وانسدحت على فلم رهيب قصة حب وانواع البكا معهم (الا ليت البكا يرد غالي )

المهم يوم حت الساعه تسعة ونص وانا اطلع على مطعم الباشا واتعشى واخذ عود أسنان واوزيه في سنوني

واطيح بهذاك التاكسي قلت له ودني ل ........ المهم قال ب 30 قلت معصي العداد اصلا ب 25 وشلون انت تقول

ثلاثين قال خلاص بأخذك عداد قلت يالله يوم وصلت لوجهتي عطيته ميه الف ومسوي بيلخمني ويقول انت عطيتني

عشره قلت لاوالله وشل ابوك وحط ابوك فالتاكسي ماغير المرافس واطلع فلوسي منه عاد اخوكم انتفخ مايقص راسه

سيفين وانا اجي بنزل من السياره وانا ارقع براسي في حديده الباب اللي عند مساكه اليدين :( وأقعد اتلوى

بالشارع قلت لابارك الله فيهم ,

(الهدف من طرح ذا القصـه التوعيه والانتباه من حركـات اصحاب التكاسي وايضاً نصيحه لاتأخذ تاكسي من شارع رادن

صالح او بالاصح ماتاخذ واحد يعرف عربي لان الغالبيه نصابيين .)

سالفتي الثانيه واللي قهرتني

بعد قضاء يومين في أكاسيا وثم ذهبت وحجزت في الاتريوم سابقا لوميير ب 640 الف روبيه من مكتب اميره ورحت له

وحطيت قشي طبعـاً رجعت لرادن صالح من اجل العيشة وبعد ماعبيت بطيني , قمت واشرت لتاكسي طلع سواقه

شايب , وانا ارتحت على طول قلت هذا شايب مايبي من الدنيا شي وركبت معه وقلت له الاتريوم وطلع الملعون يعرف

عربي ويقوم يقرق علي تبي ليدي تبي تبي قلت انت حرك الحين وودني لفندقي المهم ويوم وصلنا عند اشاره الكبري

تحت ويضغط فالعداد ويطمره لهو 250000 قلت على كيف امك انت رح للشرطه قال اذا ماعندك فلوس انزل قلت بس

وانا افتح الباب وهو يتمسك فيني المهم لقينا عسكري واحاول اتكلم مع العسكري بالانقليز عيا يفهم وراعي التاكسي

يضحك انغبت انا قلت ياحلالاه البرحه ثم الينه بالعصا الين يقول ربي الله , المهم وياخذ العسكري جوازي وياخذ بطاقة

السواق قلت للعسكري مشينا لبوليس استيشن تدرون وش قال لي ؟

قال لي انت بهلول معلوم بهلول والله كذا يعني هم متفقين علي قلت ياليل منت ليله الحين انا بخارج عمري وشلون

يانايف وشلون يابوهلال وانا اطلع مية الف واصرفها واعطي خمسين التاكسي قلت خلاص انتهينا وهو ياخذ بطاقته

ويروح , وقلت للعسكري عطني جوازي رفض قلت لاوالله اللي طولن بالوقوفي يابن الحلال مره مانفع معه وانا احاول

فيه مافيه طب ..... الخمسين الثانيه كانت بيدي وهو مغير يطالع فيها قلت العلم كذا وانا امد يدي اللي فيها الخمسين

وهو ياخذها ويعطيني الجواز ,,,,

الهدف من طرح هذه القصـه نصيحه مني اذا صارت لكم اي مشكلة لاسمح الله لاتوقفون عند العساكر اللي بالشارع

روحو على طول لمركز الشرطه , لان اللي بالشارع ممكن يطلع متفق مع التكاسي وتصير مثل سالفتي .

وللمعلوميـه الشباب الجدد اللي مابعد راحو

التاكسي من رادن صالح الى الاتريوم بالعداد وفيه زحمه بعد مايتعدى 14000 الف

يعني خذه بدون عداد بعشره الاف , واذا بتطلع للجبل تأخذ سواق ب 400 الف و 350 الف غيره لاتدفع

واذا بغيت سواق من الجبل فالسواق مرتبط فيك 24 ساعه يعني لايلخمك يقولك من الظهر للعصر او او او

قله اربع وعشرين ساعه وبأربعميه الف ,

وإن شاء الله ياشباب انا راح ارتب الصور وراح انزلها .. واسف ع الأخطاء الإملائية

الحمد لله على السلامة أخوي نايف

وراح امخمخ تقريرك شوي ومنتظرين الصور يالغالي

اولا الحمدلله ع سلامتك اخي نايف
اندونيسيا زرتها اخر مره كانت هناك تكاسي البلو بيرد بكثره ماعندهم لف ودوران مع العلم انني لوحدي
لاكن قصتك هذي غبينه بصراحه والاستغلال كل ماله يزوود
ارجع واقول الحمدلله ع سلامتك واهم شي انك انبسطت
وننتظر الهديه هديه ع قولتهم بس هديتنا ماالتقطته عدستك
تحياتي العطره

اقتباس: المشاركة الأصلية كتبت بواسطة المترو     الحمد لله على السلامة أخوي نايف وراح امخمخ تقريرك شوي ومنتظرين الصور يالغالي

الله يسلمك ابد خذ راحتك وابشر بالصور

اقتباس: المشاركة الأصلية كتبت بواسطة (العاطل)     اولا الحمدلله ع سلامتك اخي نايف

اقتباس: المشاركة الأصلية كتبت بواسطة (العاطل)     اندونيسيا زرتها اخر مره كانت هناك تكاسي البلو بيرد بكثره ماعندهم لف ودوران مع العلم انني لوحدي لاكن قصتك هذي غبينه بصراحه والاستغلال كل ماله يزوود ارجع واقول الحمدلله ع سلامتك واهم شي انك انبسطت وننتظر الهديه هديه ع قولتهم بس هديتنا ماالتقطته عدستك تحياتي العطره

الله يسلمك ياخوي

صح ان البلو بيرد مايقدر يستغلك لان الظاهر اي مشكله يطيرونه لانها تابعه لشركه

أبشر والله بالهديه

اولا هلا وغلا بخوي نايف ولمنتدى يتشرف بوجود الاعضاء امثالك يقدمون التقارير ولنصائح لاعضاء

وحقيقة يحز في القلب مايحصل لبعض السواح العرب من محاولات استغلال هناك وهي ولله الحمد في اماكن محددة

نعم اصحاب التكاسي في سارينا او ردن صالح او براموكا ييحاولون ان يستغلون العرب في اي طريقة ولافظل ان تنتظر تكسي بلو بيرد حتى لو تاْخر قليلا

الف شكر اخوي نايف على هاذ التقرير المبسط عن رحلتك والف شكر لك على ماقدمت لنا من تجاربك ونصائح

والف شكر على هاذ الاسلوب الجميل في التعبير ولكتابة وننتظر الصور كما وعدتنا

اقتباس: المشاركة الأصلية كتبت بواسطة kasih     اولا هلا وغلا بخوي نايف ولمنتدى يتشرف بوجود الاعضاء امثالك يقدمون التقارير ولنصائح لاعضاء

اقتباس: المشاركة الأصلية كتبت بواسطة kasih     وحقيقة يحز في القلب مايحصل لبعض السواح العرب من محاولات استغلال هناك وهي ولله الحمد في اماكن محددة نعم اصحاب التكاسي في سارينا او ردن صالح او براموكا ييحاولون ان يستغلون العرب في اي طريقة ولافظل ان تنتظر تكسي بلو بيرد حتى لو تاْخر قليلا الف شكر اخوي نايف على هاذ التقرير المبسط عن رحلتك والف شكر لك على ماقدمت لنا من تجاربك ونصائح والف شكر على هاذ الاسلوب الجميل في التعبير ولكتابة وننتظر الصور كما وعدتنا

مشكور أخوي على ردك الجميــل

وأبشرو بالصـور وأنا الآن قاعد ارتبـهم وراح تكون ان شاء الله على مراحل

الحمد لله على سلامتك اخوي نايف

بس تدري لو قلت لهم ودونى السفارة السعودية (كان اختضت بطونهم)

لان سفارتنا قوية بكل ما تعني الكلمة

المفروض اخوي نايف سكنت بفندق (اكاسيا) بجاكرتا

فندق محترم وامان بالمرة (لى 15 سنة اسكن فية)

عموما يالغلاء عادي تحصل معك الشغلات هذي لانك

اول مرة تسافر لجاكرتا لاكن اذا بتروح مره ثانية خذ رقم

بنت بجاكرتا وهي بتزبط وضعك بس قلها من طرف (ابو ريان)

6287870217479

اقتباس: المشاركة الأصلية كتبت بواسطة kald666     الحمد لله على سلامتك اخوي نايف بس تدري لو قلت لهم ودونى السفارة السعودية (كان اختضت بطونهم) لان سفارتنا قوية بكل ما تعني الكلمة المفروض اخوي نايف سكنت بفندق (اكاسيا) بجاكرتا فندق محترم وامان بالمرة (لى 15 سنة اسكن فية) عموما يالغلاء عادي تحصل معك الشغلات هذي لانك اول مرة تسافر لجاكرتا لاكن اذا بتروح مره ثانية خذ رقم بنت بجاكرتا وهي بتزبط وضعك بس قلها من طرف (ابو ريان) 6287870217479

الله يسلمك يابو ريان

بس انا يابو ريان مشاكلي مو بالفنــادق لان الفنادق اعرفها مثل اكاسيا والاتريوم امان

انا مشاكلي مع التكاسي ,,,

وماتقصــر يابو ريان وبيض الله وجهك

الحمدلله على سلامتك أخوي نايف
ونتمنى انها كانت رحلة سعيدة في ربوع الأندو

مشاكل سائقي التكاسي كثيره .. لكن مثل ماقالو الأخوان تكاسي بلوبيرد الأفضل

اخوي نايف .. ياليت تنزل تقرير عن رحلتك بتنسيق أفضل مدعوم بالصور حتى يوضع له رابط
خاص في واجهة المنتدى .. ولك جزيل الشكر

نتشرف بوجودك معنا في رواد آسيا

تحياتي لك يالغالي